Y Dor koué ?
Ayé, vakans la rivé, fini alé lékol, fini kass la tèt devan in tablo. 20 désamb lé là alor di zot monmon change la mizik dè ki rente dan loto. Fé pèt l’otoradio si le son y raizonn enkor fason tekno. Bin oui, zordi sé maloya à lonèr è mèm si sé jiss po 24 hèr. Trap in linstriman, in roulèr, in kayamb, 2 boute boi y trènn à tèr, rassamb domoune otour de ou, rèss pa tou sèl, asoir nou lé ente frèr. Pa posib fé sa ? lé pa in problèm, inkiète pa lé jamé tro tar. Dan toute kartié ou va alé nora in tradisyon, in kabar. Rente dan le ron, danse, chante, laiss out kor alé jiska fénoir. Sèt nou fèt sé la liberté, ton liberté, son liberté, mon liberté, noute liberté. In mo ke nou sélèb depui 1848 chak ané mèm si par moman nou la failli oublié. Oublié poukoué nou lé enkor là à profite de ce mo chèrman gagné. Moin lé né lib kom lèr è m’en fou si la loi y empèch amoin dalé é venir kom mi vé. Mon kamarade blan lé pa plis ke moin é sé la ke le changeman y aparé. Fini baiss le zié, fini ète esklav si la tèr nou lé né. Mon zansèt, noute zansèt la batay pou ke nou viv ainsi zordi, san chènn dan noute cou, dan noute pié ni dan noute lespri. Oui zot la batay é mi lé sir ke zote y atann de nou okun merci. Done anou la main, blan èk noir mé pa sèlman jiska soir minui. Alon pa atann retrouv anou rienk kan lané y fini. Le 20 désamb sé in manièr mark le kou paske lé pa posib tou lé jour. Alor zordi défoul maloya dan la kaz, la chamb, la kour. Fé bouge zot kor du plu légé o plu lour. È kom en pliss maloya lé devnu patrimoine mondiale de l’humanité, y vé dir ke nou na enkor domoune pou alé fé dansé. Sèt y koné pa kosa y représente la fèt kaf, le 20 désamb, nou sa vite montre ali koman la Rényon, noute toute y gaign viv ensamb
Ayé, vakans la rivé, fini alé lékol, fini kass la tèt devan in tablo. 20 désamb lé là alor di zot monmon change la mizik dè ki rente dan loto. Fé pèt l’otoradio si le son y raizonn enkor fason tekno. Bin oui, zordi sé maloya à lonèr è mèm si sé jiss po 24 hèr. Trap in linstriman, in roulèr, in kayamb, 2 boute boi y trènn à tèr, rassamb domoune otour de ou, rèss pa tou sèl, asoir nou lé ente frèr. Pa posib fé sa ? lé pa in problèm, inkiète pa lé jamé tro tar. Dan toute kartié ou va alé nora in tradisyon, in kabar. Rente dan le ron, danse, chante, laiss out kor alé jiska fénoir. Sèt nou fèt sé la liberté, ton liberté, son liberté, mon liberté, noute liberté. In mo ke nou sélèb depui 1848 chak ané mèm si par moman nou la failli oublié. Oublié poukoué nou lé enkor là à profite de ce mo chèrman gagné. Moin lé né lib kom lèr è m’en fou si la loi y empèch amoin dalé é venir kom mi vé. Mon kamarade blan lé pa plis ke moin é sé la ke le changeman y aparé. Fini baiss le zié, fini ète esklav si la tèr nou lé né. Mon zansèt, noute zansèt la batay pou ke nou viv ainsi zordi, san chènn dan noute cou, dan noute pié ni dan noute lespri. Oui zot la batay é mi lé sir ke zote y atann de nou okun merci. Done anou la main, blan èk noir mé pa sèlman jiska soir minui. Alon pa atann retrouv anou rienk kan lané y fini. Le 20 désamb sé in manièr mark le kou paske lé pa posib tou lé jour. Alor zordi défoul maloya dan la kaz, la chamb, la kour. Fé bouge zot kor du plu légé o plu lour. È kom en pliss maloya lé devnu patrimoine mondiale de l’humanité, y vé dir ke nou na enkor domoune pou alé fé dansé. Sèt y koné pa kosa y représente la fèt kaf, le 20 désamb, nou sa vite montre ali koman la Rényon, noute toute y gaign viv ensamb
Aucun commentaire:
Enregistrer un commentaire